水準以上✨款式超多✨柏寧酒店PLAYT自助餐

我係一個好鍾意食自助餐嘅人，因為好享受一次性有多種食物選擇😆可以同朋友慢慢食慢慢傾，如果要揀水準以上嘅自助餐，我推介香港柏寧酒店PLAYT😎 襯住聖誕逐漸濃厚，就嚟試吓佢哋嘅自助晚餐，場內有多款自款區：包括沙律、芝士、海鮮、刺身壽司、燒烤、咖哩、粉麵、燒味、點心、粉麵、甜品，另外亦有鴨肝提供，雖然係限量同要排隊拎嘅，但係推薦大家一定要試，食落一啲都唔肥膩，好香好惹味～ 特別推介焗蟹蓋，用匙畢起見到入面好多料，食落好creamy！仲有牛肉羊肉都好好味， 雖然本人無咩點食，但係我同行朋友拎咗N轉，佢話超好食，火候控制得好好咁話🙈 海鮮選擇都唔少，處理得好乾淨， 鍾意龍蝦，肉質鮮甜又好多膏，每人食咗半邊已經好滿足，即開嘅生蠔亦超鮮嫩， 滑入口中冇得頂～ 甜品亦非常精緻，款式多到眼花繚亂，最特別一定係佢哋自家雪糕嘅味道， 除咗有朱古力味、士多啤梨味、伯爵茶味等等，仲有中國酒味嘅雪糕！當日就試咗茅台味雪糕，入口好有驚喜，奶味之中滲透出陣陣酒味✨ 值得一讚係由廚師到服務員態度都好好，每一個崗位嘅職員都恰到其分✔️ 同埋食物款式太多了，PO都PO唔曬，下次會再嚟食，喺銅鑼灣夠方便🙈 #銅鑼灣 #buffet #cwb #自助餐 #causewaybay #相機食先 #hkfood #hkfoodblogger #hkfoodblog #hkfoodig #hkbuffet #hkfoodporn #hkfoodstagram #hkigfood #hkfoodpic #hkfoodlover #buffethk #hkigfoodie #hklike #hkfoodpics #hkfoodpost #parklane (此文章由U Blog 同步發佈至社群)